Gaur Giza Eskubideen Nazioarteko Eguna da, eta Nafarroako Torturatuen Sarea eta Egiari Zor osatzen duten Egiaren Garaia dinamikatik adierazi dute Errekonozimendu eta Erreparazio Batzordeak, Foru Legearen babespean, beste zazpi pertsona ofizialki aitortu dituela “giza eskubideen urraketen biktima” gisa. Denek torturak jasan zituzten.

Gure inguruko politika gaiez patxadaz aritzeko oso ezberdin pentsatzen duten bi pertsona elkartzen ditugu, tarteka marteka. Batetik, Iñaki Iriarte Lopez, Zientzia Politikoetako irakaslea EHUn, UPNko parlamentari ohia eta Palestinaren aldeko ekintzailea. Bestetik, Amaia izko Aramendia, abokatua ogibidez eta EH Bilduko zinegotzi ohia Iruñean. Frankismoaz gogoeta egiteko eskatu diegu. Iriarteren esanetan, “eskuinak ETAren aipamena astintzen duen bezala, ezkerrak Francoren aipamena zabaltzen du”. Amaia Izkoren ustez, “ezin dira maila beean jarri diktadura bat eta talde armatuaren ekintzak”.