Ikustekoak

Nafarroako Larrialdietako Zuzendariordetzak botako du sanferminetako txupinazoa. Iruñerrian 24 orduko arreta, anbulantzia medikalizatuak eta larrialdi sare zabala kudeatzen dituzte, bai jaietan bai urte osoan zehar. Itsaso Sexmilo larrialdietako medikuarekin egon gara.

Urtzi Iraizoz txistularia, armonia irakaslea, musikari garaikidea eta matematikaria da. Hiru dimentsioko inprimagailuaren bitartez txistuak egiten hasi da egurrezkoaren kalitatearekin. Urtzi Iraizoz, Metropoli Forala saioan izan da. Harekin batera Alfonso Iturria txistulari handia etorri da. Bien artean zenbait lan jo dizkigute txistu berriekin.

Nafarroako Lan Publikoen Esleipena aztertzeko sortutako Ikerketa Batzordeak amaitu ditu bere saioak. Batzordeko buru eta parlamentari Irati Jimenez izan dugu Metropoli Foralean. PSNk, Geroa Baik eta EH Bilduk ondorioztatu dute ez dela politikoki esku hartu adjudikazioetan. Haien esanetan, Nafarroako Gobernuak Acciona eta Servinabar enpresekin izaniko harremanetan ez da ustelkeriarik frogatu.

Igor Saenz Abarzuza biolontxelo-jotzailea, NUPeko musika irakaslea eta ikerlaria dugu. Irrintzi Dorrera txeloa bizkarrean hartuta igo zaigu. Elkarrizketa egin diogu eta zenbait abesti eskaini dizkigu. Londresen erosi zuen. Enkante batean. 1714. urte ingurukoa den musika tresna berezi hau Austrian egina dago. Etxean beste zenbait biolontxelo dituela azaldu digu.

Samira Calvok haur literaturako idazle erranguratsuenetako bat ekarri digu 'Trikuaren zuhaitza' atalera. Udara honetarako oraindik ez baduzu irakurketarik, aukera paregabea izan daiteke

Caracas, 1972. Zuzenbidean doktorea da. Egun, Nafarroako Gobernuko Industriako eta Enpresen Trantsizio Ekologiko eta Digitalerako kontseilaria da. Polo IRIS Gunean elkarrizketatu dugu, NUPeko Sario Aretoaren atzealdean zabaldu duten adimen artifiziaren espazio berrian.

Polo IRISek enpresen eraldaketa digitala bultzatzen du. Administrazioa, unibertsitateak, ikerketa-zentroak eta enpresak elkarlanean aritzen dira. “Leiho bakar” gisa, enpresei egokienak diren irtenbide teknologikoak aurkitzen laguntzen du. Ion Arrizabalaga, Polo IRIS Guneko koordinatzailearekin egon gara.

Nasertic, Ikerketa, Berrikuntza eta Garapena (I+G+B) lantzen dituen enpresa da. Lantegiek behar dituzten azpiegiturak eta laguntza teknikoa eskaintzen dituzte. Hiru alor ari dira lantzen bereziki: Datu Bilketaren programa, Zientzia Laborategia eta Adimen Artifizial sortzailearen Laborategia.

Enpresa txikiek askotan ez dute zibersegurtasuna lehentasuntzat hartzen, baina gero eta mehatxu gehiago daude eta ezinbestekoa da hasieratik estrategia gisa txertatzea.
Horretarako tresnak eta lankidetza bideak garatzen ari dira Nafarroako Zibersegurtasun zentroan. Haritz Elizetxerekin, zibersegurtasun adituarekin, eta Pilar Tellechearekin, CEIN zentro europarreko arduradunarekin, egon gara.

Ruben Esgueva, Nafarroako adimen artifizialeko NAIR Zentruko ikerlaria da. Aurretik sorturik dauden teknologia zentroen ikerketa aplikatua, unibertsitateen oinarrizko ikerketarekin uztartzea dute xede. Zubi lana egiten dute ikergune, industriako sektore zenbait, administrazioa eta mundu akademikoa lotuz. Aholkularitza, trebakuntza eta ikerketa dituzte ardatz nagusi.

Iruñea, 1983. Trantsizio Energetiko eta Digitaleko zuzendari nagusia da. Garbiñe Basterrak argi azaldu digu Nafarroako Gobernuak oinarriak jartzen dituela lantegietan eraldaketa digitala gerta dadin. “Ez dago aitzakiarik: azpiegiturak eta formazioa eskaintzen ditugu”. Bere esanetan, ez dago beste aukerarik aurrera egiteko, enpresak garatzeko. Atzean geratzeko arriskua handia dago. “Digitalizazioren aukera aprobetxatu behar dute enpresek bestela ez dira lehiakor izanen”.

Euskalerria Irratiak bi orduko saio berezia egin du NUPeko El Sario egoitzaren ondoko Berrikuntza Digitalerako IRIS Polo Gunetik. Bertan eskaintzen dituzten zerbitzuak ezagutzea izan dugu helburu, digitalizazioaren eta berrikuntzaren garrantzia aztertuz. Irratsaio berezia Nafarroako Gobernuaren laguntzarekin egin da.