Zutabe bakoitzak izanen dituen pankartak eta pregoilariak aurkeztu dituzte. Runa Parketik, Antoniuttitik eta Askatasunaren plazatik irtengo dira, Gazteluko plazan biltzeko. Aldarrikapena eta harrotasuna uztartuko ditu martxak, euskaraz bizi ahal izateko behar den dena eskatzeko.

Fermin Iriarte Irigoien abesbatza zuzendari eta pilotari profesional ohiari elkarrizketa biografikoa egin diogu Euskalerria Irratian. Zugarramurdin sortua, 1944an. Kaputxinoekin ikasia, umetatik azaldu zuen musikarekiko zaletasuna. Madrilen kantua ikasi eta bertako Koru Nazionaleko bakarlaria izan zen. 1968an, Zangozako korua sortu zuen. Kaputxinoak utzi eta 1975ean San Fermin Ikastolan hasi zen lanean, musika eta soinketa irakasle. Handik urte batera, San Fermin Abesbatza eratu zuen. Abenduan, 50 urte beteko ditu koruak. Fermin Erbiti kazetaria izan dugu bidelagun elkarrizketan. Ingurukoen lekukotasunak ere jaso ditugu.