Espainiako ezker federalistaren inguruan aritu gara bi analista politikorekin: UPNko parlamentari ohi eta EHUko irakasle Iñaki Iriarte eta Iruñeko zinegotzi ohi eta abokatu Amaia Izko. PSOE alderdiaren ezkerrera dauden indarrak haien arteko zubiak sendotzen hasiak dira espainiar estatuan. Hurrengo hauteskundeak gertu ditugu, PP eta Vox alderdiek irabazteko aukera asko izan ditzakete. Amaia Izkok adierazi duenez "beharrezkoa da indar horiek bat egitea eta alderdi subiranistei protagonismoa ez kentzea haien lurraldeetan". iñaki iriarteren ustez, "ezkerreko alderdien gabeziarik handiena egungo egoeraren aurrean estrategia ekonomiko argi bat ez izatea da".
Azken asteotan, ERCko diputatu Gabriel Rufianek hautsak harrotu ditu PSOEren ezkerrera dauden alderdiak astintzeko, haien artean akordioak eragiteko Espainiako eskuina Moncloako jauregira irits ez dadin. Oraingoz, zalantza nagusiak dira koalizioaren izena, buruzagitza eta Podemos alderdiak har dezakeen eabakia bat egitearen inguruan. Metropoli Forala saioan luze aritu gara gaiaz solasean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.