Gaurkotasun handiko politika eta gizarte gaiez hitz egin eta gogoeta patxadaz egiteko, gai askori buruz ezberdin pentsatzen duten bi persona biltzen ditugu Metropoli Forala saioan. Batetik, Iñaki Iriarte UPNko parlamentari ohia, Euskal Herriko Unibertsitateko irakaslea. Bestetik, Amaia Izko Aramendia, EH Bilduko zinegotzi ohia Iruñean eta abokatua ogibidez. Gertura begira, Nafarroako Gobernuan Txibitek egin dituen kontseilarien aldaketak mintzagai. Munduari begira, egungo inperialismoez hitz egin dugu.
Nafarroako lehendakariak pasa den astean egin zituen gobernuko bi kontseilariren aldaketak harritu egin ditu gure bi gonbidatuak. Maria Txibitek ongi babestuta sentitu nahi du politikoki bere burua, epe ez oso luzean alderdi sozialista zipriztindu dezaketen ondorioei aurre egiteko. Hala diote Izkok eta Iriartek. Atzerrira begira, Donald Trumpen politikaz eta antipolitikaz aritu gara hizketan, azkenaldian egin eta esan dituenak aztertuz.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.