18:30

Maitasunaren indarra Tarotaren bidez

Landarerekin elkarlanean Zaldiko Maldikok 'Maitasunaren indarra Tarotaren bidez' saioa antolatu du Oihana Odriaren eskutik. Arratsaldeko 18:30ean hasiko da saioa eta beharrezkoa da aldez aurretik izena ematea.

19:00

'Palinpestoa'

Palinpestoa liburua aurkeztuko du Joxe Auxtin Arrieta egileak. Josu Jimenez Maiak aurkeztuko du solasaldia. Arratsaldeko 19:00etan, Karrikirin. «Baina gu, ni bezalakoak edo antzekoak, isiltzen baldin bagara, irabazleen errelatoa gailenduko da!». Horra arazoa. Joxe Austin Arrieta gure idazlea da, eta horrekin batera familia herrikoi baten azken haurra, euskararen erabiltzaile suharra eta Euskal Herri libre, batu eta sozialistaren aldeko militante ezaguna. Liburuak badu kutsu autobiografikoa: familia, idazle eta militantearen gorabeherak kontatzen ditu.

20:00

Gastroshow: 'Alter nation'

Ahots efektuak eta emakume kurioso bat. Bi, hiru, lau, bost… zenbat ahots eduki ditzake gorputz bakar batek? Ahotsa identitatea da; identitatea bakarra al da? Ahots efektuak eta emakume kurioso bat. Hainbat ahots, hainbat identitate, psikopatologia bat eta konferentzia bat.  Idoia Tapia aktore eta abeslari iruindarraren lana da 'Alter nation' eta Geltokiko gastroshowean taularatuko du.

19:00

'Ehun urteko gerra Palestinaren aurka'

Palestinako historiari buruzko azterketa integral bat idatzi beharrean, Palestina menderatzeko borrokan gertatutako sei inflexio-puntutan jarri du arreta Rashid Khalidik. Iñaki Alegriak euskaratu du liburua eta Katakrakeo irakurle taldean izango dute aztergai, arratsaldeko 19:00etan.