Duela zenbait hilabete, Nafarroako Parlamentuak, Foru Komunitatean esleitu eta kudeatu diren herri lanen ikerketa batzordea sortzea erabaki zuen. Gobernuak eginiko edo finantzatutako lizitazioak eta obrak aztertzea dute helburutzat. Ikerketa batzordeko lehendakari Irati Jimenez parlamentaria izan dugu irratian. Haren esanetan, “Barcinaren gobernutik hasi, Barkosen agintaldiarekin jarraitu eta Txibite lehendakariaren garaiotaraino dagoen epea aztertzea erabaki dugu; garai horretan aritu ziren elkarlanean susmopean diren Servinabar, Acciona eta Oses enpresak”
Belateko tunelen auzia aztertu ostean, orain, Nasuvinsa, Arbizuko Ikastetxea, Navarra Arena eta Mina Muga herri lanen inguruko ikerketari ekingo diote. “Nafarroako Parlamentuko ikerketa batzordean ez dugu lan egiten UCOren txostenen arabera edo Senatuan egiten diren adierazpenen arabera”. Hala esan digu Irati Jimenez EH Bilduko parlamentariak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.