Legebiltzarrean sei urte egin ditu karguan. EAJko burua da Nafarroan. Eragin handiko gizona Geroa Bai koalizioan. Aurrekontuei bidea ematea adostu dute Nafarroako Gobernuak eta EH Bilduk. Ostegunean, Foru Erkidegoko egoera politikoaren eztabaida hasiko da. Testuinguru honetan izan da Unai Hualde Euskalerria irratian. Belateko tunelen aferan "irregulartasun administratiboak egon dira baina ez dut ustekeriaren zantzurik ikusten".
Unai Hualdek gogora ekarri nahi izan du urte eta erdi soilik geratzen dela tokiko hauteskundeetarako. Tarte honetan, Osasun, Industria, Aldaketa Klimatikoa, Industria eta Despopulazioaren legeak onartuko dira, besteak beste. Alderdien mugimenduez zera dio: "Geroa Bai, PSN, Zurekin Nafarroa eta EH Bildu, ezinbestekoak gara guztiak eskuina boteretik kanpo mantentzeko. Bakoitza sukaldeko lanak egiteko sasoian sartu gara".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.