Vito Quiles kazetari ultraeskuindar faxistak atzera egin du eta bertan behera utzi du Nafarroako Unibertsitatean egitekoa zuen ekitaldia. Aurreikusitakoa baino ordu bat lehenago iragarri du Iruñetik ez zela azalduko.
Ekitaldi horren kontrako elkarretaratzea zegoen deituta Faxismoaren aurka, kaleak hartu lelopean. Eta hamarnaka pertsona hurbildu dira “Quilesi ongi etorria ez dela adierazteko”. Espainiako Poliziak inguruak hartu ditu eta tentsioak gora egin du arratsaldea aurrera joan ahala. Zenbait polizia-karga egon dira, edukiontziak gurutzatu eta botilak jaurti dituzte manifestariek. Espainiako Poliziak gas negar-eragileak erabili ditu antifaxistak sakabanatzeko. Istiluak Opuseko Unibertsitateko kanpusaren barruan hasi dira, eta gero Iturrama auzora zabaldu dira.
Aurretik, Nafarroako Unibertsitateak arratsaldeko klaseak bertan behera utzi dituela iragarri du, eta eskaera egin die ikasleei ekitaldian ez parte hartzeko.