Nafarroako Gobernuko Industria eta Enpresen Trantsizio Digitaleko eta Ekologikoko kontseilari Mikel Irujo Euskalerria Irratian izan dugu. Datu zehatzei erreparatuta, %3 hazi da Nafarroa azken hamarkadan eta 10.000 enplegutik gora sortu dira. Kontseilariaren esanetan, "autogintzaren sektorea indartsu dago. Gehiago indartuko da ibilgailu elektrikoen sarrerarekin. Dena den sektore horren neurrikoa da nekazaritzaren inguruko industria eta energía berriztagarrien atala ere”. 

Tokiko Merkataritzari buruz irratsaio berezia egin dugu Euskalerria Irratian. Eguberrien aurreko sasoi honetan ere, data berezi hauetan ere, etxetik gertu dugun denda edo saltoki horretara joateko gomendioa luzatu nahi izan dugu. Euskalerria irratiak eta Nafarroako Gobernuaren Industriako eta Enpresen trantsizio ekologiko eta digitalerako departamenduak elkarren arteko lanean osatu dugu saioa. Hurbileko produktuak erosgai dituzten saltoki horietara joateko garai ederra da Gabonen bezperakoa.