'Enpresabidea' tokiko ekonomiari buruzko informazioa eskaintzen duen egunkari digitala da. Maite Reizabal da zuzendaria. "Ekonomiaz beste modu batez aritu nahi dugu, guztiok ulertzeko moduan, gertuko kezkei erreparatuz". Besteak beste, erosketen saskia, hipoteka, nominak dituzte aztergai. Ekonomia arrotz ikusten dugu eta begirada hori arintzea da egunkari honen xede nagusia.
Maite Reizabal, 'Enpresabidea' egunkariko zuzendariaren esanetan, "ekonomia gaiak euskaraz gutxi jorratzen dira; lan horretan ari gara. Oraindik ere arrotza da gehienentzat". Ekonomia, hartzen ditugun erabaki guztietan dago. Maite Reizabal kazetariak azaldu digunez, "gurean, industria eta zerbitzuak sektore indartsuak dira. Dena den, zaintzaren sektorea, emakumearen egoera lan munduan eta gazteen prekarizazioa sendotzea lehentasunezkoa da".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.