Berriozarko alkate Iker Mariezkurrenak begi onez ikusten du haien herria Tentsio Handiko Etxebizitza Gune izendatu izana. Bere esanetan, “herrian ezin dira etxebizitza gehiago egin, trenbideak eta Aitzoaingo koartelak osotara mugatzen dutelako Berriozarko eremua”. Metropoli Forala saioan eman dizkigu xehetasunak.

Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du Ainhoa Mendiluze sindikatu horretako kideak. "Erresistentzia egiten segituko dugu, gertutik jarraituko dugu presioa egiten.