Ezinegona eta haserrea sortu ditu albisteak batez ere zentro horietako irakasle eta familien artean eta baita Barañaingo haur eskolen artean ere. Hain zuzen, Barañainen mobilizatzen hasi dira eta informazio bilera bat aurreikusi dute urtarrilaren 23rako Alaitz ikastetxeko jantokian.
Pasa den urtean hasi zen bi urteko gelak irekitzen Hezkuntza Departamentua. Haur Hezkuntzako unibertsalizazioaren bidean, dio, Iturraman, Doña Mayorren eta Arronizen zabaldu zituen.
Ekimen horrek kexak piztu zituen bereziki 0-3 plataformaren baitan, zenbait sindikaturen artean eta alderdi politiko batzuen artean. Zikloa "hautsi" egiten duelako eta bi urteko haurrei espazio "desegokiak" eskaintzen zaizkielako, besteak beste. Carlos Gimeno Hezkuntza Kontseilariarentzat bi urteko gelak bateragarriak dira haur eskolekin. Azken horiek omen dira lehentasun gobernuarentzat, baina bi urteko gelek lagundu egiten dute toki entitateen artean aukera bat eskaintzeko eta gerora zikloa handitzeko.
