Seigarrenez Antsoain bihurtuko da komikiaren erdigune. KomikiBoom komiki eta ilustrazio sozialari buruzko jardunaldiak apirilaren 1etik 12ra izango dira. Egunotan ilustratzaileak, gidoilariak eta eleberri grafikoaren zaleak topatuko dira.
Edizio honetako kartelak ‘Exprai’ Joseba Beramendi iruindar artistak egin du. Irudian jaso ditu komikigintzako pertsonaiak eta jorratuko diren gai zenbait. Gainera, aurtengo azokak izango du berrikuntza bat, pintxoak eta komikiak nahastuko dituzte herriko hainbat tabernarekin elkarlanean. Taberna bakoitzak pintxo bat prestatuko du komikiak oinarri hartuta eta azokak iraun bitartean pintxoa dastatzeko aukera izango da.
Kontsultatu hemen programa osorik.
