Oihaneder Indakoetxeak 14 urteko ziklo bat itxi berri du. Barañaingo udalean EH Bilduko zinegotzi izan da denbora guzti honetan. 2015-2019 legegintzaldian alkatea izan zen, herriko lehen alkate emakumea. Aldaketa momentu honetan bere bizitzako musika errepasatuko dugu

Ostiralean ziurtatu zuen Hezkuntza kontseilari Carlos Gimenok Barañaingo Alaitz ikastetxean eta Antsoaingo Ezkaban bi urteko gela bana zabalduko zituela 2025-2026 ikasturtean. Kexu azaldu dira bi herrietako haur eskoletako eta ikastetxeetako hezkuntza komunitateko kideak: "Ofizialki guri inork ez digu deus adierazi eta uste dugu bi kasuetan bi urteko haurren beharrak haur eskolak asetzen dituela", adierazi du Itziar Urra Alaitz ikastetxeko ikasketa buruak.