Barañaingo Udalak 19 zaintza kamera ezarriko ditu

Herritar talde batek batzarra deitu du hilaren 24rako, kameren instalazioa aztertzeko eta auzotarren parte-hartze falta eta gardentasuna salatzeko. 

Barañaingo Udalak, Navarra Sumaren udal taldeak, 19 bideozaintza-kamera jarriko ditu. Tokiko Gobernu Batzordeak onartu zuen abenduaren 22an, kontratua egiteko lizitazioa. Kontratu horrek 64.500 euroko balio zenbatetsia du (BEZik gabe), eta eskaintzak aurkezteko epea hilaren 14an amaitu zen.

Udalak azaldu duenez, helburua da "delituzko ekintzak prebenitzea, saihestea eta/edo desagerraraztea, debekatutako guneetara sarbideak kontrolatzea, eta udaltzaingoari dagozkion lanak erraztea". Udalak dio kriminalitate indize handia duten guneetan ezarriko dituela. 

Herritar talde batek batzarra deitu du hilaren 24rako, kameren instalazioa aztertzeko eta auzotarren parte-hartze falta eta gardentasuna salatzeko.  Gainera, otsailaren 11rako mobilizazioa iragarri dute.