Barañaingo Eguneko Zentro berria eraikitzeko Herrigunearen lekualdatze akordioa erdietsi ondoren, egindako promesak ez direla betetzen ari baieztatu dute Barañaingo herritarrek.
Bost hilabeteko epean egoitza berria prest izanen zutela hitz eman zien udalak azaroan, baina obrak oraindik hasi ez direla salatu du Iñigo Gonzalez kideak. Duela bi urte adierazi zien Barañaingo Navarra Sumaren udal gobernuak eguneko zentro berria haiek erabiltzen zuten egoitzan ezarriko zutela. Luze jo zuten negoziazioek, eta akordioa sinatu zutenetik kultur etxeko aretoak erabiltzen ari dira. Baina eguneroko funtzionamendua zaildu die, egunetik egunera gela aldatu behar izaten dutelako.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
