Haritu Etxebizitza Sindikatuak salatu du bost haur dituen familia bat etxetik bota zuela azaroan Testa-Blackstone hirigintza sektoreko agentziak eta orain gauza bera egin nahian dabil Sareb izeneko bankua. Kasua ezagutzeko Oihana Idoate Haritu taldeko kideak esan du Euskalerria Irratian "konplexua" dela kasua eta informazioa ere "trakets" iristen ari zaiela: "Barañainen bizi da orain familia hori eta maisterraren izenean iritsi zaio etxetik kaleratzeko agindua", esan du Idoatek. Polizia eta sarraila aldatzeko langilea joan ziren haien etxera urtarrila bukaeran: "Bertan bizi den familiak ez zuen etxegabetzearen berririk eta hartara hamabost eguneko epea eman zioten etxea uzteko", azaldu du. Kasua "gertutik" segituko duela esan du Haritu Etxebizitza Sindikatuak. Mobilizazioak ere eginen ditu familia horri etxebizitza eskubidea urratu ez dakiokeen. Elkarrizketa osorik entzun daiteke argazkian klik eginda.
