Bilboko argazkilari Elena Sarasolaren lanaz aritu da Jone Rubio ikerlaria. 80ko hamarkadatik aurrera mugimendu feminista eta lesbianoaren mobilizazioak erretratatzen hasi zen kamara eskutan eta borroka soziala, mugimendua eta sozializazioa jaso zuen iruditan.

'Cabezon de Etxauri bizirik' plataformako kide bi izan ditugu irratian. Sarbil inguruan egin nahi duten energia makroproiektuaz aritu dira solasean. 80.000 modulu fotoboltaiko paratu nahi dituzte bertan. Etxauriko Haitzen azpian. Mendiko 62 hektarea beteko lituzkete. Ekimen honetako ordezkariek salatu dutenez udalak eta sustatzaile pribatu batek proiektua publikoki aurkeztu zuten urriaren 31an. "Prozesuan ez da gardentasunik egon eta herritarrek ez dute iritzia emateko aukerarik izan". Larunbat eguerdirako elkarretaratzea deitu dute Etxaurin herritarren ezinegona adierazteko.