Badakizu zer esan nahi duen kuku edo kukoitz hitzak? Eta zer den tuli-tulia? Zeri deitzen ote zaio "Bilbora joatea"? Hizkuntzek mundu ikuskerak sortzen dituzte, mundua nola ikusten dugun baldintzatzen dute. Ez hizkuntzek bere horretan bakarrik, baita hiztunek osatzen duten komunitateak ere. Normatibitate hegemonikotik kanpo bizitzea egokitu zaienek beren bizitzak, praktikak eta gorpuntzak izendatzeko hitz eta esamoldeak asmatu behar izan dituzte, biziraupen eta erresistentzia tresna bezala eta baita botere egiturak hausteko asmoz. Guzti honen bueltan aritu gara Oker gabiltza sekzioaren atal berrian.