UPNk zentsura mozioaren aurretik egindako azkenetarikoa izan zen entzierroan hildakoen omenezko plakak jartzea. Dagokion “protokolorik gabe” ezartzea salatu dute eta orain udal taldeek plakekin zer egin edota “ekimen hori modu adostuan ordezkatuko duen beste proposamen bat” eztabaidatuko dute.

Anfas elkarteko langileek greba eginen dute gaur eta larunbatean. Hiru urte daramatzate hitzarmenik gabe eta eros ahalmena izugarri galdu dutela salatzeko aterako dira kalera. Negoziazioan euren eskaerak aintzat har ditzatela eskatzen ari dira. Soldatapeko 141 langile, 700 boluntario eta 1.700 erabiltzaile ditu Anfas elkarteak. Adimen zein garapen desgaitasuna duten pertsonekin aritzen dira Nafarroa osoan.