Tranbia itxurako autobusek ikusgaitasun gutxi dutela salatu dute gidariek. Bereziki erreferentzia egiten diote ezkerreko bazterrari, nahiko zabala da markoa eta gune-itsu nahiko handia sortzen diela adierazi dute. Aurten dagoeneko bi istripu izan dituzte eta aurretik ere susto zenbait jasan behar izan dituztela jakinarazi dute. Alberto Iribarren TCC enpresa batzordeko ordezkariak esan du, oinezko bat zebra bidea gurutzatzen hasten bada eta villavesa une horretan mugitzen hasten bada eta zehazki gune itsu horretan badago oso zaila dela istripua aurreikustea.
Villavesa berriak dira %100 elektrikoak. Otsailetik hamar ibilgailu dabiltza Iruñerrian eta beste hamar hasiko dira ekainean. Ikuspegi berria dutenez, autobus gidariek eskaera ere egin dute, izan dezaten nolabaiteko formakuntza eurekin lanean hasi aurretik.