Anfas elkarteko langileek greba eginen dute gaur eta larunbatean. Hiru urte daramatzate hitzarmenik gabe eta eros ahalmena izugarri galdu dutela salatzeko aterako dira kalera. Negoziazioan euren eskaerak aintzat har ditzatela eskatzen ari dira. Soldatapeko 141 langile, 700 boluntario eta 1.700 erabiltzaile ditu Anfas elkarteak. Adimen zein garapen desgaitasuna duten pertsonekin aritzen dira Nafarroa osoan.
Anfas elkarteko langileek hiru urte daramatzate hitzamenik gabe: "Erosahalmena izugarri galdu dute, urteotan bizitza asko garestitu da eta euren soldatak izoztuak izan dituzte", azaldu du ELA sindikatuko Izai Bujandak. Greba eguna dute gaur eta informazio piketeak zein manifestazioa eginen dituzte: "Eguerdian Nafarroako Gobernuaren egoitzatik aterako da protesta", jakinarazi du Bujandak. Larunbatean ere greba eginen dute eta kalean eginen dute euren eskaera.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
