'Sarean Euskaraz' Euskarabideak antolaturiko euskarazko kultura digitalari buruzko jardunaldiak dira. Aurten urriaren 14an eta 15ean egin dituzte, Iruñeko Baluarte Jauregian: 900 ikasle, hiru gune, hainbat jarduera interaktibo. Euskalerria Irratiak zuzeneko saioa egin du bertatik. Kanal honetan saio horretan egindako elkarrizketak aurki ditzakezu.
45.000 lagun inguru ibiltzen dira astero Egunean Behin lehiaketan parte hartzen. Galdera joko hori eta beste askotariko aplikazioak sortzen ditu CodeSyntax enpresak; bertako Luistxo Fernandezek azaldu du.