Bi hitzetan “bideojokoak euskaraz” egiten dituztela azaldu Lander Unzueta Game Erauntsia elkarteko kideak. Bideojokogintzarekin lotutako edozer egiten dute. Jokoak euskaratu, berriak sortu, bidejokoetan aritu… askotariko lanak garatzen dituzte Game Erauntsian. Hamar urte daramatzate lanean eta euskarazko bideojokoetan “asko hobetu” dela iritzi dio.
Orain dela urte pare bat UEMAk kaleratutako inkesta batean hiru gaztetik bik egunero bideojokoetan jolasten duela azaldu du Unzuetak, “baina, zein hizkuntzatan? Euskaraz ez”. Hartara, tailer hauetan “ikusarazi nahi dugu euskaraz jolasteko aukera dagoela”. Guztira 167 bideojoko dituzte euskaraz Game Erauntsia elkartean eta gazteek “euskaraz gozatzeko aukera dagoela ikustea” da haien helburua.
