Iruñerriko euskaldunon agerkaria

Sortzen Nafarroako Elkargunea, urriaren 7an Ezkaba ikastetxean

Erabiltzailearen aurpegia Sortzen 2017-09-22 10:03

Sortzen Nafarroako Elkargunea, urriaren 7an Ezkaba ikastetxean

Kurtso berri honek erronka berriak bezain garrantzitsuak dakarzkigu eta, horregatik, Nafarroako Sortzen Elkarteko bazkide garen oro elkartzeko beharra helarazi nahi dizuegu, gune bat antolatuz, erronka horien inguruan hitz egin eta erabakiak hartu behar ditugu eta. Pasa den ikasturtean Sanduzelai ikastetxean holako bilkura bat egin genuen, eta parte hartu zutenen balorazioa oso positiboa izan zen. Aurten, Nafarroako Elkargunea urriaren 7an burutuko dugu, larunbata izanik Nafarroako bazkide guztiei aukera zabaltzen diogunaren ustetan. Goizez izango da, 10:00tatik 12:30ak arte. Antsoaingo Ezkaga Ikastetxea dugu lekua, Iruñeko sarrera batean egonik guztiontzako eskura legokeen lekua dela jakinik. Eta behar duenarentzat “Ludoteka” zerbitzua antolatuko da. Eta ondoren zizka-mizka.

44 pitzadura gehiago Vascuencearen Legearen harresian

Erabiltzailearen aurpegia Sortzen 2017-06-21 09:41

44 pitzadura gehiago Vascuencearen Legearen harresian

Nafarroako zenbait udalek onartutako mozioari bidea emango dio Parlamentuak. Gehienak, deitutako "zonalde ez-euskaldunean" kokatuak, beste udal bat "zonalde mistokoa". Denon gogoan, nafartar guztiontzat hizkuntza eskubide berberak izatea.

Iruñeko Udalak Sortzen Jaiarekin bat !

Iruñeko Udalak Sortzen Jaiarekin bat !

Erabiltzailearen aurpegia Sortzen 2017-05-12 11:02 Sortzen Elkartearen eta Iruñeko Udalaren arteko elkarlana izanen da Sortzen Jaian. Gaur, Sortzen Elkarteko ordezkariek eta Iruñeko Udaleko hainbat zinegotzi eta teknikarik maiatzaren 21ean Sortzenek ospatuko duen Jairako akordioa eta elkarlana irudikatu dute Iruñeko Basotxo kalean. Alde batetik, Kultura Alorretik Maider Beloki zinegotzia eta Maitena Muruzabal teknikaria izan dira; bestetik, Hiri Ekologia zinegotzia den Armando Cuenca eta Camino Jaso, alorreko zuzendaria. Beraiekin, Sortzen Elkarteko koordinatzaileak diren Begoña Bitorika eta Sergio Iribarren elkartu dira aipatu dugun Iruñeko txoko ezagun horretan. Kultura alorrarekin, zein Hiri Ekologiaren barruan dagoen Mugikortasun Zerbitzuarekin, asteetako elkarlana izan da jairako, ahalik eta Auzo Bizi Onaren aldeko Jai onena ospatzeko helburuarekin. Elkarlan horri esker, Hizkuntza-Politika Alorraren bidez egun horretarako beharrezkoak diren karpa, soinu ekipoa eta elektrogrupoak Iruñeko Udalaren kargu izango dira. Aparte, hainbat ekimen ere errealitate bihurtu ahal izan dira. Horren harira, maiatzaren 21ean Antoniutti ingurura txirringaz hurbiltzeko emango diren erraztasunak azpimarratu dituzte. Iruñeko Udaleko Mugikortasun Zerbitzuak, Basotxoan, txirringentzako aparkalekua kokatuko du, estalpean, eta kode pertsonalizatu baten bidez funtzionatuko duena. Modu berean, Basotxo kalean, goizeko 10:30tatik eguerdiko 14:30tara, Iruñeko auzo ezberdinetan Mugikortasun Zerbitzu honek martxan jarri duen Bizi Kalea dinamika ezagutzeko aukera izango da. Bertan, txirringaren erabilera bultzatzeko ekimen ezberdinak egongo dira: jolasak, gynkana, baita mantenu tailerrak ere. Jai egunean, zein egunerokoan eskoletara hurbiltzean, txirringaz zein oinez ibiltzeak duen garrantzia gogoratu nahi izan dute. Bukatzeko, Sortzeneko ordezkariek Iruñeko Udaletik jasotako laguntza eta elkarlanerako prestutasuna eskertu dute. Denon artean, Auzo Bizi Onaren eskola helburu, kaleak jolasteko eta eskola bideak jorratzeko mezua zabaldu dute.

Elkarrizketa Xaloa Telebistan. 2017ko apirilak 11

Erabiltzailearen aurpegia Sortzen 2017-04-19 08:54 Elkarrizketa Xaloa Telebistan. 2017ko apirilak 11 Berriro Xaloa Telebistako estudioan egon gara. Kasu honetan aurtengo Jaiaren inguruan mintzatzeko. Baina aukera probestuz, bestelako gaiak izan ditugu mintzagai: kurtsoaren balantzea, Aldaketa, euskaren kontrako erasoak, ... eta hori, maiatzaren 21ean Iruñeko Antoinutti Parkean ospatuko dugun Jaia. Aurtengo leloa: Auzo Bizi Onaren Eskola, Hezkuntza Burujabetza.

Ostiral honetan kontzentrazioa: Ezkaba Ikastetxeak laugarren gela behar du

Erabiltzailearen aurpegia Sortzen 2017-03-30 11:26 Aurrematrikulazio kanpainatik ia bi hilabete pasa diren honetan, oraindik, Ezkaba Ikastetxean aurrematrikula egin zuten hiru familiei, Nafarroako Hezkuntza Departamendutik ez diete ikastetxe horretan ikasteko aukera ziurtatu . Izan ere, familia horiek bizi diren inguruko ikastetxeetan plazak egon badaudela eta, ikastetxe horietako batera bideratu nahi ditu Departamenduak.. Hori omen da, Departamenduaren arabera, “baliabideen kudeaketa zuzena”.

Zergatik #HezkuntzaBurujabetza mahai-ingurua? Bide

Erabiltzailearen aurpegia Sortzen 2017-03-29 17:48 Zergatik #HezkuntzaBurujabetza mahai-ingurua? Bideo deialdia. Hezkuntza eta Burujabetza mahai-ingurua Martxoak 30 osteguna, 18:00etan San Frantzisko eskolan Euskal Eskola Publiko Berria eta Hezkuntza Sistema Propioa sortze aldera Sortzen Elkarteak hezkuntza burujabetza du aldarri eta eraikuntza bide. Herri eta auzo bakoitzeko hezkuntza komunitateak bere eskolaren proiektua ahalik eta modu autonomoan garatzeko aukera gisa eta, Euskal Herri mailan hezkuntza komunitateak saretuz, eredu berri, kolektibo eta propioak eraikitzeko bide bezala ulertuta.
Erabiltzailearen aurpegia Sortzen 2017-03-28 09:49

Mila esker informazio hau zabaltzeagatik !!!
Hona hemen kartela ikusteko aukera:
http://www.sortzen.eus/eu/Albisteak/20170321/Hezkuntza_eta_Burujabetza_mahai-ingurua_martxoak_30_Iruneko_San_Frantziskon

Erantzuna | Hezkuntza eta burujabetzaz, mahai-ingurua

Apirilaren 4an agerraldi jendetsua Antoniuttin eta

Erabiltzailearen aurpegia Sortzen 2017-03-27 18:20 Apirilaren 4an agerraldi jendetsua Antoniuttin eta bideokliparen grabaketa Guraso, ikasle, hezitzaile... apirilaren 4an, 17:30etan, animatu Antoniuttin (Iruñean) eginen den agerraldi masibora. Bertan maiatzaren 21eko Sortzen Jaiaren abestia, lekua eta hainbat sorpresa aurkeztuko ditugu. Gainera, bideokliparen grabaketan parte-hartzeko aukera izango duzu! http://www.sortzen.eus/eu/Albisteak/20170327/Apirilaren_4an_agerraldi_masiboa_Antoniuttin

Pello Uharte: Sortzen Elkartearen oroigarria

Pello Uharte: Sortzen Elkartearen oroigarria

Erabiltzailearen aurpegia Sortzen 2017-03-24 10:46 Auzolanean sortzen duena, sorkuntzaren parte izanen da beti. Mila esker Pello !
Erabiltzailearen aurpegia Sortzen 2017-03-24 10:41

Animo bai !!!

Erantzuna | Ai, Simon

Erabiltzailearen aurpegia Sortzen 2017-03-22 17:09

Aiba, orain konturatu gara iruzkin hau zegoela ...
Ba, hara erantzuna:
Ez, lasai, ez dugu iparra galdu, oraindik, je,je !
Ez...

Erantzuna | Armadaren gonbidapenak ikastetxeetara ez iristeko eskatu du Sortzenek

Hezkuntza eta Burujabetza mahai-ingurua, martxoak 30 Iruñeko San Frantziskon

2017/03/30 Arratsaldeko 6etan

SanFrantzisko Eskolako areto nagusian. Iruñeko Alde Zaharrean Nafarroa

Hezkuntza eta Burujabetza mahai-ingurua Martxoak 30 osteguna, 18:00etan San Frantzisko eskolan Euskal Eskola Publiko Berria eta Hezkuntza Sistema Propioa sortze aldera Sortzen Elkarteak hezkuntza burujabetza du aldarri eta eraikuntza bide. Herri eta auzo bakoitzeko hezkuntza komunitateak bere eskolaren proiektua ahalik eta modu autonomoan garatzeko aukera gisa eta, Euskal Herri mailan hezkuntza komunitateak saretuz, eredu berri, kolektibo eta propioak eraikitzeko bide bezala ulertuta. Norabide horretan, esparru ezberdinetan antolatutako herri mugimenduek hezkuntzari ekarpen handia egin diezaiokete, arloka burujabetzen eraikuntzarako irizpide eta bideak eskainiz. Sektore bakoitzeko protagonistek euren gain hartzen dute propioki esparru horren inguruko arazoari irtenbidea eskaini eta alternatibak eraikitzeko ardura: auto-eraketa, hausnarketa, erabakiak, elkarlana, auzolana... Hau dela eta, hainbat esparruetako herri mugimenduetako eta hezkuntza komunitateetako hainbat lagunekin mahai-ingurua antolatu dugu Iruñean martxoaren 30ean, ekarpenak eta proposamenak jasotzeko asmoz. Elikadura, gorputza, hizkuntza, eta curriculum burujabetzetatik hausnarketa eta ekarpenak izanen ditugu mahai-inguruan, elkar elikatuz. PARTE HARTUKO DUTE: -. Jaxinto Gomez Viniegra: Elorri eskolako gurasoa. Elikaherria eta Mundu Bat elkarteetako kidea. -. Oihana Lopez Goñi: Patxi Larraintzar eskolako ama. Bilgune Feministako kidea. -. Bego Bitorika Badiola. Langile Ikastolako ama ohia eta Ikasle Euskaldun Eleaniztunak sortzeko proiektuko kordinatzailea. -. Ruben Iglesias Sansebastian. Zaragueta herri eskolako gurasoa. Orioko Herri Curriculumeko kidea.

Ezkaba Ikastetxeak laugarren gela behar du. Gau

Erabiltzailearen aurpegia Sortzen 2017-03-08 19:49 Ezkaba Ikastetxeak laugarren gela behar du. Gaur dela hilabete eskasa izandako aurre-matrikulazio kanpainan 78 familiek izena eman zuten Antsoaingo Ezkaba Ikastetxean, beraien 3 urteko haurrek bertan ikas ditzaten. Ikastetxeko hezkuntza komunitateak 19-20 ikasleko 4 gela irekitzea aurreikusten zuen, horretarako espazio baldintzak daude eta. Baina Nafarroako Hezkuntza Departamenduak 3 gela soilik baimendu ditu, 25 ikasleko bakoitza. Modu honetan, 3 familia ikastetxetik kanpo utzi dituzte eta inguruko ikastetxeetara bidali. Zentzu honetan, argi utzi nahi dugu Hezkuntza Departamenduak erakutsitako jarrera merkantilistak talka egiten duela 25 urtez aldarrikatzen, eta egunero gauzatzeko borrokatzen, daramagun eskola publiko berriarekin. Departamenduko arduradunei baliabideen kudeaketak hezkuntzaren kalitatea eta familien eskubideak ezin dituela baldintzatu esan nahi diegu. Eta horregatik, datozen egunotan eskolako ordezkarien eta Departamenduaren artean egongo diren elkarrizketetatik, datorren ikasturtean Ezkaba Ikastetxean haur hezkuntzako 1.go mailako 4 gela egotea, besterik ez dugu espero. Bukatzeko, Sortzen Elkartetik gure babes osoa adierazi nahi diogu Ezkaba Ikastetxeko hezkuntza komunitateari, datorren ikasturtea 78 familia berriek osatutako 4 geleekin hasi nahi dute eta. Eta horretarako, Eskola Kontseiluan adostutako mobilizazio eta dinamika ezberdinak ari dira martxan jartzen. Kalitatezko hezkuntza publikoaren alde, hezkuntza burujabetza da giltza! Sortzen Elkarteko prentsa oharra 2017ko martxoak 8
Erabiltzailearen aurpegia Sortzen 2017-03-08 19:48

Ezkaba Ikastetxeak laugarren gela behar du

Gaur dela hilabete eskasa izandako aurre-matrikulazio kanpainan 78 familiek izena eman zuten Antsoaingo Ezkaba...

Erantzuna | Hiru urtekoentzat laugarren lerroa lortzeko borrokan daude Ezkaba ikastetxeko gurasoak

Haizea egitasmoa aurkeztu du Sortzenek

Erabiltzailearen aurpegia Sortzen 2017-03-01 12:03

Haizea egitasmoa aurkeztu du Sortzenek

Hasteko, Sortzen Elkartea osatzen dugunon izenean, gure ongi etorri beroena eman nahi diegu D eredua aukeratu duten familia guztiei Nafarroako hiru eremuetan (euskalduna, mistoa zein diskriminatuan). Ildo berean, ongi etorria emateaz gain, eskerrak ere eman nahi diegu, gure ustez beraien seme-alabentzako egin ahal zuten aukerarik onena hautatzeaz gain, Nafarroan Hezkuntza Sistemak duen eredu osatuena sendotzeko, eta kasu batzuetan zabaltzeko ere, eragile ari baitira izaten. Eta kasu horiek goraipatu nahi ditugu, Allo, Erriberri zein Aintzin, hiru herri hauetan, momentuz behintzat, datorren urtean, euskaraz ikasteko aukera izatea lortu dutelako. Hiru hauek, azken bi urte hauetan ireki diren D ereduko lerroen zerrendan gehituko dira: Zudaire, Abartzuza, Lezaun, Tafalla, Kaparroso eta Lodosa. Informazio eta argazki gehiago: http://www.sortzen.eus/eu/Albisteak/20170301/Haizea_egitasmoa_aurkeztu_du_Sortzenek
Erabiltzailearen aurpegia Sortzen 2017-02-15 16:36

Eta, ahaztu zaizu, PAIko kamikazeak, herriz herri, ingelesaren eta euskararen arteko talka kosmiko bat iragartzen: sartu etxeetan!!!! euskararen tsunamia dator...

Erantzuna | Lanaren banaketa

Erabiltzailearen aurpegia Sortzen 2017-02-06 10:33

Aupa Nerea !
Pasa den urtean Iruñeko Udaleko bi haur eskolak D eredukoak bihurtzea, zuk esan duzun bezala, Aldaketaren norabidean kokatu...

Erantzuna | Haur eskolak eraldaketarako bidean

Aurrematrikulazio kanpaina 2017: ONGI ETORRI

Erabiltzailearen aurpegia Sortzen 2017-02-01 17:43

Aurrematrikulazio kanpaina 2017: ONGI ETORRI

Ohar honen bidez, Sortzen Elkartetik aurtengo aurre-matrikulazio kanpainan Nafarroan zabalduko dugun mezuaren berri eman nahi dizuegu. “Ongi etorri” izanen da lelo nagusia, matrikulatuko direnei D ereduaren komunitatera ongi etorria emateko nahian, “gure aberastasuna eredu” azpi-leloarekin.

Euskal Herriak ebaluazio sistema propioa behar du: Hezkuntza Burujabetza.

Erabiltzailearen aurpegia Sortzen 2017-01-31 09:34

Euskal Herriak ebaluazio sistema propioa behar du: Hezkuntza Burujabetza.

Azken asteotan PISA hizpide izan dugu eta, Hego Euskal Herriari dagokionean, Araba, Bizkaia eta Gipuzkoako emaitzak kezka iturri izan dira eragile eta erakundeentzat.
Erabiltzailearen aurpegia Sortzen 2017-01-12 15:48

Edurne Egino andreari gogoratu nahi diogu, Buztintxuriko eskolan, D ereduko ikasleak ez direnak, euskarazko gaitasuna ez dutela lortzen. Aldiz, D...

Erantzuna | Metropoli Forala 2017-01-12