Sanfermintza

Sarai Robles Maddi Ane Txoperenarekin batera bertsotan izango da iganean Zaldiko Maldikon. Uxue Rey kazetaria eta Sarai Robles bertsolaria Zaldiko Maldikora gerturatu dira sanferminetako giroaz mintzatzera.

Izerditan topatu dugu Nerea Sorondo. Eguzkipean beroketa lanetan elkartu gara Nerea Sorondo iazko txapeldunarekin. Txapela berriz ere janzteko asmoz lehiatuko da gaur ere Sorondo. Nafarroako aizkora txapelduna izan zen iaz bigarrenez sanferminetako lehiaketan;  12:11 minutuko marka egin zuen, bere errekorra hautsiz.

Txupinazoa, prozesioa, zezenketak, segurtasuna, gertuko eta estatuko politika edota billabesen greba mintzagai Iruñeko alkatearekin jaien erdigunean. Sanferminetako normaltasun ezaren baitan, jai "lasaiak" izaten ari direla baieztatu du alkateak.

Goiz, arratsalde eta gauez aritzen dira kalez kale La Pamplonesa bandako kideak. Eguna dianekin hasten dute, aurten gainera, ibilbidea iragartzen dute aldez aurretik.

Beñat Rodrigo Kiliki Frexko musikaria bihar izango da Konpainia plazan arratsaldeko 20:00etan. Iltze1 diskoa kaleratu du berriki eta Iruñean aurkeztuko du lehenengo aldiz.

Prozesioaren balorazioa egin du Hiri Bizigarria saileko zinegotziak. Jaia eta lana nola uztartzen dituen eta Iruñeko Udalak esku artean dituen lanaz mintzatu da Borja Izagirre.

Peñen Federazioko presidente Rakel Arjol eta Muthiko Alaiak peñako presidente Ander Zamora gerturatu dira Zaldi Zurira. Peña bateko kide izateaz eta peñek jaietan duten paperaz mintzatu dira.

Josefamunda eta buruhandi zinegotzia dantzatzen dituzte egun Xabi Garinek eta Oskar Urdanizek. Sanferminetan egunero ateratzen dira kalera eta hiru edo lau lagun doaz erraldoi bakoitzaren parean dantzarako prest, “txandakatzeko edo hasi berriei laguntzeko egiten dugu”, azaldu dute. 

"Iruindarrak, gora sanfermin! Stop genocide! Free Palestine!" hitzekin piztu zuen atzo suziria Yala Nafarroak. Palestinaren aldeko txupinazoak eman zien atzo hasiera jaiei eta balkoiko protagonistetako batek, Eduardo Iberok, azaldu digu. Lidon Soriano, Edu Ibero eta Dyna Kharrat izan ziren udaletxeko balkoian.

Askotariko musika proposamenak, bermuterako, bazkarirako eta afarirako aukerak, eta Makusi Txokoa daude Oinez Txokoko egitaratu zabalean. Maider Nuin Paz de Zigandako zuzendaria eta Isabel Octavio EITBko Estrategia eta Komunikazio Korporatiboko zuzendariarekin mintzatu gara.

Emakumeek jaiaz gozatzeko eskubidea aldarrikatu du eta espazioak okupatzera dei egin du Mugimendu Feministak. Erasoen aurkako protokoloaren garrantzia nabarmendu du eta instituzio publikoen babesa eta zerbitzuak lortzeko egindako bidea txalotu du.

Duguna dantza taldekoek 09:30etan hasi dira egoitzaren aurreko kalera mahaiak ateratzen eta bertan gosaldu dute. Aurreko urtean txupinazoa bota zuten eta egun horretako oroitzapen eta sentsazioekin gorputzean “denborarekin barneratu ahal izan dugu eta geratu zaiguna zapore goxoa izan da” Aritz Ibañez-en hitzetan.

Txupinazoa eta gero zuzenean Foru plazan egingo den folklore jaialdira joango dira. Urtero bezala, 13:30etan Dugunako dantzariak Muthiko Alaiak, Oberena, Ortzadar, Txori Zuri, Amaiur, Ardantzeta, Basakaitz, DanTXaldi, Eluntze, Harizti, Iruña taldea, Larratz eta Mikelats dantza taldeak arituko dira. Otsagabiko dantzak eta Lapurdiko iñauteriak dantzatuko dituzte eta, horren ondotik, jendea gonbidatuko dute Larrain dantzara.