Urteroko gogoeta uztailaren 7an. 2008an duela 18 urte Jose Diego Yllanesek Nagore Laffage erail zuen, eta duela 10 urte, 2016an, La Manada talde bortxaketa gertatu zen sanferminetan. “Aurretik gertatutako erasoak gogora ekartzen ditugu eta lehenengo egunak nahiko konplikatuak izaten dira”, gogora ekarri du Iratxe Alvarezek.
Indarkeria matxistaren aurkako prebentzioaz eta azken urteetako aldaketez aritu da Alvarez. Bere ustez, eraso sexistarik gabeko jaiak izatea posible izango den arren, oraindik bide luzea dago egiteko. Azken hamarkadetan gizartearen kontzientziazioa handitu egin da eta lehen normalizatzen ziren jarrera eta indarkeria asko, gaur egun, identifikatu eta salatu egiten dira.
Alvarezek nabarmendu du eraso matxisten aurrean erantzuna ez dela emakumeen ardura soilik, baizik eta gizarte osoarena eta bereziki gizonezkoena. Horregatik, lagunartean eta inguruko harremanetan dauden konplizitateekin amaitzeko deia egin du. Era berean, Iruñeko mugimendu feministak urteotan egindako lana aitortu du eta azpimarratu du kalean salatzeak eta indarkeria horiei izena jartzeak aldaketa sozialerako balio izan dutela.