Nafarroako Larrialdietako Zuzendariordetzako langileek ilusiozjaso zuten aurtengo sanferminetako txupinazoa botatzeko ardura. Azaldu dutenez, ia 300 profesionalek osatzen dute lantaldea eta urteko 365 egunetan, eguneko 24 orduetan, herritarren larrialdiei erantzuteko lanean aritzen dira. Sanferminetan, bereziki, alkoholaren kontsumoarekin eta beroarekin lotutako arretak nabarmentzen dira.
Bestalde, osasun sistemaren egoeraz ere ohartarazi dute. Lehen Mailako Arretan baliabide falta dela eta, bertan artatu beharko liratekeen paziente asko larrialdi zerbitzuetara bideratzen direla azaldu dute. Horregatik, osasun publikoan eta bereziki Lehen Arretan inbertsio handiagoa egitea ezinbestekotzat jo dute, sistemaren kalitatea bermatzeko.