Iruñeko Udalaren eta Loraldiaren eskutik, aste honetan Iruñaldiak hiriko alde zaharra zeharkatuko du. Arte garaikideak hiriburuko kaleak hartuko ditu bere adierazpen desberdinetan: dantza, musika, poesia, literatura emanaldiak, baita ardo dastaketa bat ere.
Horrexegatik Irrintzi Plaza agertoki guztietara eramaten saiatu gara. Nola? Iruindarren garraiobidean, billabesan, hain zuzen ere. Billabesa berezi honetara igoko ditugu gaurkoan gure artista guztiak, aste osoan zehar ekarriko digutenaren inguruan hitz egiteko: Iruñeko Udaleko Iñigo Gomez eta Loraldiko Amaia Ocerinek egitaraua aletu digute. Eta bestetik egitarauaren parte hartu duten hainbat gonbidatu izan ditugu: Aritz Ibañez, Maialen Lujanbio, Ana Galarraga, Petti, Jon Maya, Angel Erro, Patxo Telleria, Maria Oses, Nerea Erbiti eta Ana Iriarte.
Entzun Iruñaldiaren inguruko Irrintzi Plaza berezia!
