Ostegunean 20:30ean Katakrak izanen du agertoki Maialen Lujanbiok, Iruñaldiaren eskutik. Kale Nagusiko liburu-dendako oholtza baliatuko du RR emanaldia erakusteko. Duela sei urte sortu zuen ikuskizuna moldatzen eta eraldatzen joan da denborarekin, aldian-aldiko gaietaz mintzatzeko. Hitza da protagonista, eta gainontzeko elementuak hitzak duen indar hori azpimarratzeko erabiltzen ditu hernaniarrak ikuskizun honetan.
Hizkuntza, bere azal eta mami, modu plastikoan erabiliko du: hotsez, testu idatzi bidez, hitz lauz, bertsoz… eta soinu pregrabatuekin eta pantailako proiekzioekin interakzioan osatzen da emanaldia.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!