Ansoleaga karrikako Zaldiko Maldiko elkartea izanen da Iruñaldiaren azken agertokietako bat. Larunbatean, 12:30ean ardo dastaketa eta musika eskutik joanen dira. Baztango Xuriek jarriko du ardoa, Mikel Inun musikariak eta Sergio Mayoral tronpetistak jarriko dute musika.
Baztango lurrak ez dira ardogintza lurrak izan inoiz, baina hori aldatzeko erronkari ekitea erabaki zuten Ana Iriartek eta Iñaki Bengoetxeak duela urte batzuk. Halaxe sortu zen Baztango Xurie, ardoaren ekoizpenaren kate osoa bere gain hartzen duen upategia.
