Izaro Barberena, Iradi Goñi, Irati Salinas, Enara Villanueva eta Irati Villanueva, eta Unai Olano tutorea Irrintzi Plaza saioan izan dira haien estatistika eta hizkuntzalaritza lanari buruzko azalpenak ematen.
"Sorioneku hitza, Iberiera hitzkuntzako sinbolismoak, zenbaki sistemak, matematika.... aitzakia bezala hartuaz, historian zehar kultura ezberdinetan izan diren zenbaki edo sinbolo sistemak aztertzea erabaki dugu. Zenbakiak idazterakoan sistema ezberdinek ematen diguten errentagarritasuna zehazki ikustea zen gure helburua."
Horretarako sistema bakoitzeko lehen 300 zenbakiak aztertu eta alderatu dituzte.
Honekin batera ikaskideen eta irakasleen iritziak bildu dituzte galdetegi baten bidez. "Erantzun zuzena aurkitzeko kalkulu ezberdinak eta grafikoak egin ditugu eta esan behar dugu ez ikasleek, ez irakasleek ere asmatu zutela."
Honekin batera gogoeta interesgarri egin dute iberiera eta euskararen arteko balizko harremanaz, kontuan hartuta iberiarren zenbakiak idateko modua bat datorrela egungo euskararenarekin.
Spoiler: sistema greziarra da ekonomikoena, hau da, digito edo sinbolo gutxien erabiltzen duena.