Elkarrizkettap

Gaur egun, besteak beste, DLC irratiko Zart saioan entzun daitezke Arsenikeren pintxadak. TTAP aldizkaria Katakraken elkartu da agoiztarraren musika elektronikoaren gainean gehiago sakontzeko.

Irulegiko Eskuaren aurrean eseri gara Oier Santamaria historialari iruindarrarekin, iraganaz kontatu digutena eta ez digutena edozein momentutan kolokan jarri daitekeela erakutsi duen aurkikuntzaren aurrean. Izan ere, historia ez da iraganeko kontu bat, begiradaren arabera aldatzen doan zerbait baizik. Are eta begirada gehiago, are eta osatuagoa gizakiaren iraganaren kontaketa. Santamariak LGTBI kolektiboaren errepresioaren zein borrokaren ikerketan jarri nahi izan du berea, besteak beste. Izan ere, jasotakoari zerbait itzultzeko tresna bezala ere ikusten du historia.

Irune Bengoetxea (Iruñea, 1998) eta Maialen Ariz (Iruñea 1996) pedagogoa eta arkitektoa dira, hurrenez hurren. Iruñean ikastetxeko patioak eta oro har hiriko zenbait eremu birnaturalizatzeko prozesuan buru belarri ari dira beste sail eta alor hainbatekin batera, elkarlanean. Iruñeko San Jorge ikastetxe publikoko patioan mintzatu gara haiekin.

Lorena Arangoa (Irurtzun, 1983) aktore ari da aspalditxoan. Clown-arekin bilakatzen ditu bere ikuskizunak umore. Umoretik begiratzen dio Munduari. Mugarik gabeko algarak erakarri nahi ditu, bereziki landa eremuan, ikuspegi feminista batetik, euskaratik eta euskaraz. Patxada tarte bat hartu eguneroko eroan eta gozatzeko parada izan. Hori eskaini nahi dio publikoari. Hori du helburu oholtzara igotzen denean. 

Minbiziaren akonpainamendua eta dibulgazioa egiten duen Iñurri elkarteko sortzaileetako bat da Julene Illarramendi (Lasarte-Oria, 1997). “Gaixotasunaren aurrean bakarrik ez egotea” da gakoetako bat , Iñurri elkartearen arabera. Elkartearen, minbiziaren eta beste gauza aunitzen gainean hitz egin du Illarramendik.

Aktorea eta sortzailea, Jaione Urtasun antzerkiari lotuta bizi izan da 9 urte zituenetik. Adin horrekin hasi zen Nafarroako Antzerki Eskolako arratsaldeko tailerretan, eta eskola hartan egin zituen, urte batzuk geroago, antzerkigintza ikasketa profesionalak ere. Haren ibilbidean ipuin-kontalaritza, umeentzako antzerkigintza eta umore ikuskizunak uztartu ditu, gehienbat. Xabier Flamarique bikotekidearekin La Piel taldea darama, eta, maiz, bestelako konpainientzat ere lan egiten du. Beti, hori bai, lagunez inguratuta. Arrakasta, izan ere, hori baita harentzat: antzerkiaz bizi ahal izatea, euskaraz eta lagunez inguratuta. 

Arte garaikideko erakusketen eta zinema aretoetako pantaila handiaren artean mugitzen dira Marina Lameiroren pelikulak. Zinemagile iruindarrarentzat, izan ere, zinemagintza arte adierazpide bat da, istorioak modu narratiboan kontatzeko bide bat baino gehiago.

Estreinatu berri den Nor naizen baneki antzezlanarekin buru-belarri dabil Oier Zuñiga (Iruñea, 1986) aktorea. Antzerkiaz eta kulturaz orokorrean mintzatu gara aktorearekin Iruñeko Laba espazio berrituan.

Bere azken hiru liburuen poemarik esanguratsuenak Itzalen kartografia liburuan batu ditu Hasier Larretxeak (Arraioz, 1982). Madrilen bizi arren, Iruñeko Karrikiri dendan elkarrizketatu du Baztango poeta TTAP aldizkariak.