Mari Jose Oraa (Iruñea, 1962) Nafarroako Saray Elkarteko presidentea da. Bularreko minbizia duten emakumeekin (badira gizon bakan batzuk ere) aritzen dira: babesa, laguntza eta asesoramendua ematen dituzte. 30 urte bete berri ditu Elkarteak eta 15 urte daramatzate elkartasun lasterkaldia egiten. Horren bidez guztira 750.000 euro bideratu dituzte bularreko minbiziaren kontrako ikerketara. Elkartea pazienteek pazienteentzat sortu eta eraikita dago.
Zure arnasa zaintzeko nobela eskuartean duela elkarrizketatu du Ttap aldizkariak Nerea Balda San Juan (Irurtzun, 1975). Zaintzaren hari mutur desberdinak landu ditu zaintzaileari ahotsa emanez, zaintzak behar dituen pertsona ere erdigunean jarrita eta nerabezaroaren aldaketa eta mugei adi egonda.