Memoria alorrean dabiltzan elkarteek "labankada" jaso dute atzo PSNk, EH Bilduk eta Geroa Baik aurkeztu zuen planarekin. Erorien Monumentua ez dute guztiz eraitsiko eta hori ez zai gustatu: "Erabakia hartzeko ez dute gurekin hitz egin. Labankada bat eman izan baligute bezala sentitzen gara", azaldu du Koldo Amatria Orreaga Fundazioko kideak. "Gutxietsiak sentitu gara", gaineratu du. Urrian Iruñeko Udalean hirigintza proiektu bat aurkeztu zutela ere izan du gogoan Amatriak: "Bertan jasotzen genuen administratiboki posible dela eraikina botatzea", esan du. Gaur batzartuko dira zenbait talde memorialista eta eztabaidatuko dute atzo ezagututako akordio politikoaz. Dena dela, mobilizazioak egiten segitzeko aukera ez dutela baztertzen aurreratu dute. Koldo Amatriari egindako elkarrizketa argazkian klik eginda entzun daiteke.
Koldo Amatria (Orreaga Fundazioa): "Labankada bat bezala iritsi zaigu erabakia"
Ezustean harrapatu ditu elkarte memorialistak atzo EH Bilduk, PSNk eta Geroa Baik hartutako erabakiak Erorien monumentuaren inguruan: "Gurekin hitz egin gabe aurkeztu dute erdietsitakoa. Labankada bat bezala iritsi zaigu", azaldu du Koldo Amatria Orreaga Fundazioko kideak. Denborarik ez dute izan oraindik elkarteak batzartu eta erantzun bateratua emateko: "Gaur elkartuko gara akordioa baloratu ahal izateko eta gure iritzia emateko", azaldu du.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
