Altsasuko gazteei 2 eta 13 urte arteko zigorrak ezarri dizkie Espainiako Auzitegi Nazionalak, "mehatxuak, desordenak, lesioak eta aginteari eraso egitea" egotzita, ostatu batean izandako liskar batengatik. "Terrorismo" deliturik ez du ikusi, ordea.
Auzipetutakoek terrorismoarekin loturarik ez dutela esan du auzitegiko gelak eta ez direla inongo erakunderen partaide.
Dena dela, epaileek adierazi dute "arrazoi ideologikoengatik" gertatu zela liskarra eta larrigarritzat hartu ditu "gorrotoa" eta "gehiagotasun abusua". Zigor kodeak zehaztutako zigor handienak ezarri dizkie.
Zigorrak, banan banan
Oihan Arnanzi eta Iñaki Abadi 13 urteko kartzela zigorra ezarri diete; Jokin unamunori eta Adur Ramirez de Aldari, 12 urtekoa; Jon Ander Cob, Julen Goikoetxea eta Aratz Urrizolari, 9 urtekoa; eta Ainara Urkijori, 2 urtekoa.
