Xabier Reyren heriotza eta espetxe politika salatzeko milaka lagun batu dira

Xabier Reyren heriotza eta espetxe politika salatzeko milaka lagun batu dira
Argazkia: Xabi Reyren heriotza salatzeko manifestazioa. / ekinklik.org

Sakabanaketa politika amaitzeko eskatu zuten larunbatean Iruñean bildutako 9.000 lagunek. «Espetxe politikak eraman du gure Antxo», esan zuen familiak, Xabier Rey gogoan.

"Antxo ez da hil, hil egin digute. Espainiako Estatua eta une honetan sakabanaketaren erantzule nagusia den Alderdi Popularra dira Antxoren heriotzaren erantzuleak", esan zuen Arkaitz Rodriguez Sortuko idazkari nagusiak, larunbatean, Xabier Rey omendu eta sakabanaketarekin amaitzeko eskatzeko manifestazioan. 

Jendetza batu zen -9.000 lagun inguru, antolatzaileen esanetan-, gehienek isilik egin zuten ibilbidea, dispertsioaren eta presoen etxeratzearen aldeko oihuak egon baziren ere. Aldarririk ez zegoenean, baina, ixiltasuna zen nagusi. Manifestazio hasieran, joareak jo ez zituzten joaldunak eta dantza egin ez zuten dantzariak, xingola beltza zeramaten denek, Reyren heriotza salatzeko. 

Amaieran, Patxi Reyk, Xabi Reyren anaiak, hartu zuen hitza. Kartzelak eta sakabanaketak eragindako mina gogoan hartu eta heriotzaz geroztik jasotako babesa eskertu zuen: "Hau da zuk amesten eta desio zenuen Euskal Herria, Xabitxu. Ez da ametsa, errealitatea da".

Erlazionatuak

"Zergatik ez da saihestu Reyren heriotza?"

Erabiltzailearen aurpegia

Euskal gizarteko jende askori ukitu dizkio barrenak 2017ko egun arrunt batean euskal preso gazte batek bere buruaz beste egitea espetxean. Nekez jo...
Reyren heriotzaren ardura "Espainiako estatuaren espetxe politika suntsitzaileak" duela salatu du Etxeratek

Nafarroa

"Heriotza berri hau ekidin zezaketen. Baina ez dute nahi izan", salatu du Urtzi Errazkin Etxerako kideak, presoen aferari "behin betiko konponbidea...
Elkarrizketa:Miren Zabaleta, Sortu

Nafarroa