Doneztebe atzean utzita iritsi ziren joan den astean Iruñerrira Gure Zirkuko kideak. Karpa Uharteko Aldagarria Pasealekuan altxatu eta irailaren 26an eskaini zuten lehen emanaldia. Ordutik, sarrerak martxa onean saltzen ari dira eta "ezinhobea" izaten ari den harrera horrekin beste lau emanaldi egitea erabaki dute: urriaren 12an 12:00etan eta 17:00etan; urriaren 17an 19:00etan eta urriaren 18an 12:00etan eginen dituzte.
Sarrerak txarteldegian bertan eskura daitezke eta aldez aurretik Gure Zirkuaren webgunean ere bai.
