Informazio askorik gabe daude BSH Eskirozko lan batzordeko ordezkariak ere. Atzo izan zuten hiru aldeek lehen bilera eta ematen du industrializazio prozesu batean sakontzeko aukerak jarri zituztela mahai gainean. Diskrezioz ari dira hartu-emanak izaten eta lan batzordera ere informazio gutxi iristen ari da. Langileak erabateko normaltasunez ez bada ere lanean segitzen dute eta mobilizazioak ere iritsiko direla jakinarazi dute. "Otsailaren erdialderako ari gara manifestazioa prestatzen", adierazi du Sergio Ayucarrek BSH Eskirozko langile eta LAB sindikatuko ordezkariak. Euskalerria Irratian egindako elkarrizketa argazkian klik eginda entzun daiteke.
Sergio Ayucar (BSH): "Otsailaren erdialderako ari gara prestatzen industrializazioaren aldeko manifestazioa"
Eskirozko BSH plantaren etorkizuna bermatu asmoz lehen bilera izan zuten atzo hiru aldeek: Alemaniako BSH zuzendaritzako kideek, Nafarroako Gobernuko ordezkariek eta Espainiako Industria Ministerioko kideek. Berrindustrializazio plan bat egiteko prest azaldu ziren bileraren ostean aldeak, baina diskrezioz ari dira bilerak egiten.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
