Aralarren hamabi kilometroko zulorik gabeko aukera mahai gainean du orain Espainiako Gobernuak Jose Antonio Santano Espainiako Garraio idazkariak jakinarazi duenez. Hortaz, erabakia atzeratu eginen dela ere adierazi zuen: hurrengo urteko lehen hilabeteetan zuten asmoa Nafarroa eta euskal y-aren lotura zein izanen den zehazteko, baina onartu du Santanok ez dela hala izanen. Arrazoia ez da bakarrik laginketak egiteko arazoak dituztela, baizik, hirugarren aukera bat aztertzen ari direla: Iruñetik euskal y-aren konexiora arteko trenbidea bitan zatitu zuen Santanok: Iruñetik Altsasurakoa eta Altsasutik konexiora artekoa. Lehenengo zatia adostuta dagoela esan zuen, eta laster aurrera eginen duela: Estatu idazkariak adierazi zuenez, kontuan hartuko dituzte Eusko Jaurlaritzak 2018an egindako alegazio batzuk, eta Iruñetik Altsasurainoko trazadura ere aldatu eginen da. Horrez gain, alegazio horri jarraituz gero, Sakanatik Ezkio-Itsasorainoko trazadura ere aldatuko litzateke, eta bidea mendebalderagotik igaroko litzateke, "Aralarren horren sakon sartu gabe", Santanok zehaztu zuen moduan.
Hirugarren bide bat aztertzen ari da Espainiako Gobernua AHTaren loturarentzat
Nafarroa Euskal Autonomia Erkidegoarekin lotzeko aukeren artean beste bat jarri dute mahai gainean: Ezkio-itsasotik litzateke, baina Aralar azpitik hamabi kilometroko zulorik egin gabe. Ez da guztiz berria hautabidea Eusko Jaurlaritzak 2018an planteatu zuelako, baina aztertu gabe izan da.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
