Lanuzteak dituzte gaur irakaskuntzan. Nafarroako Unibertsitate Publikoko irakasleak aterako dira kalera. Eta ez da lehenengo aldia. Soldata duinak exijitzen ari dira. Funtzionarioak ez diren horietaz ari gara. "1.200 irakasle eta ikerlari gaude soldata txikiegiak jasotzen", adierazi du Haritz Iribasek, irakasle eta ikerlaria NUPen. Arduradun bikoitza du egoera honek salatzen ari direnez: "Nafarroako Gobernuak badu zer egina honetan eta unibertsitateko errektoretzak ere bai", azaldu du.
Losu lege berriak zehazten du zenbat diru behar duen unibertsitateak kalitatezkoa izateko. "Nafarroaren etorkizunean inpaktu garrantzitsua izateko: Barne Produktu Gordinaren %1 jaso beharko luke dirutan eta oso urrun daude zifra horretatik. Honek guztiak eragina du kalitatean", argi du Iribasek. Garai beltzagoak ekarriko ditu irtenbiderik ematen ez bazaio Iribasen ustez: "Ikasleen dozentziari begira eta ikerketari erreparatuta ere, garai latzak etor daitezke".
Ordubeteko lanuztea eginen dute 11:00etatik 12:00etara eta protesta ere bai Nafarroako Unibertsitate Publikoko liburutegiaren parean.
