Urteotan izan dituzten oztopoekin ere akordatu dira Mikel Zabalza gogoratu duten omenaldian. Egia zein izan zen ezagutzeko, urte beltzak pasa behar izan zituztela izan dute gogoan. Irainak eta difamazioak ere tartean izan direla. Aitortza erabatekoa eskuratu ahal izateko, egindako bidean orain ekintzekin laguntzeko beharra nabarmendu dute. Madrilera begira jarrita, eskatu dute, "orain arte oztopo izan diren horiek euren posizioa definitzera eta egiaren bidera gerturatzera". Hartara, klasifikatutako dokumentuak argitara ateratzeko beharra nabarmendu dute. "Desklasifikatuko balituzte zergatik jarriko lukete arriskuan segurtasuna?", galdetu dute Mikel Zabalza gogoan plataformatik. "Giza eskubideen urraketan, torturan eta erailketetan eraikitako Espainia dago horren guztiaren atzean?", hori izan daiteke susmoa. Egia, geroz eta gertuago dagoela ere sinetsirik daude eta ez dutela etsiko hori eskuratu arte.
Mikel Zabalza 1985eko azaroaren 26an atxilotu zuen Guardia Zibilak. Haien eskuetan hil zuten eta haren gorpua Bidasoa ibaian utzi abenduaren 15ean.
