Sustrai Erakuntza fundazioak salatu du makroetxaldea "ezkutuan" handitzeko saiakera bat dela, oztopo legalak tarteko. Izan ere, "lotura produktiboa badago" etxalde zahar eta eraiki nahiko luketen berriaren artean eta "gune produktibo bakarra litzateke" Sustrai Erakuntzako Mikel Saralegiren esanetan. "Ingurumenean sortuko lituzkeen kalteak zein liratekeen argitu gabe ezin da halako proiektua baimendu", nabarmendu du. Egitasmoaren txostena argitaratuta dago, eta hala egonen da urriaren 14ra arte. Tarte horretan, alegazioak aurkezteko aukera izanen da eta Sustrai Erakuntzak berea aurkeztuko duela iragarri du. "Jendeari dei egiten diegu gurekin bat egitera eta euren kontrako jarrera erakustera", esan du. Mikel Saralegiri egindako elkarrizketa argazkian klik eginda entzun daiteke.
Mikel Saralegi (Sustrai Erakuntza): "Lotura produktiboa dago makroetxaldeen artean"
Sustrai Erakuntza fundazioak salatu du makroetxaldea "ezkutuan" handitzeko saiakera bat dela Valle de Odietak aurkeztu duen proiektua. Izan ere, lotura produktiboa badago etxalde zahar eta eraiki nahiko luketen berriaren artean eta gune produktibo bakarra litzateke Sustrairen arabera.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
