Equala berdintasun aholkularitzak urteak daramatza gizarteko alor eta eremu anitzetan berdintasunerako urratsak ematen laguntzen. Udal programetatik hasi eta ikastetxeetara, enpresetatik pasatuz, berdintasun dinamikak plano guztietan txertatzea da afera. Baina ez bakarrik eremu publikoan edo sektore handietan, baita gizarte sarea ehuntzen duten bestelako talde txikiekin ere lan egiten dute, Leire Martinez Etxeberria Equalako proiektu teknikariak kontatu digun bezala: "Duela bi urte, Sanferminetako peñekin ere tailer bat antolatu genuen, adibidez".
Etxeberriaren jardute-eremu nagusia hezkuntza denez, gazteen artean berdintasuna lantzerakoan gaur egun dauden erronka nagusiez aritu gara berarekin. Internetek eta sare sozialek daukaten pisua eta eragina handia dela nabarmendu du, eta mezu matxista eta misoginoei aurre egiteko prestakuntza oinarrizkoa dela.
