Nafarroako Gobernuko Berdintasun Institutuak antolatuta, Nosotros Noski Berdintasunezko Maskulinitateak Eratuz programaren edizio berri bat abiatuko da martxoaren 13an. Helburua, programa gidatzen duen Eraikiz taldeko Montxo Gotak azaldu moduan, berdintasunezko gizartea herdiesteko bidean gizonei urratsak ematen laguntzea da.
Aurten, aurrez aurreko 16 saio teoriko-praktiko emanen dira programaren baitan, hamabostean behin, bakoitza bi ordu eta erdikoa. Esperientzia pertsonalak, gaitasunak, botere-harremanak, autoritatea, emozioen identifikazioa eta kudeaketa… Hainbat dira programaren eskutik landuko diren gaiak. "Lehen urratsa, gizonak euren pribilegioez kontziente izatea da", azaldu du Gotak, "eta ondoren, pribilegio horiek uzteko urratsak emateko tresnak ematen dizkiegu".
Programa doakoa da eta izen-ematea irekita dago jada, Berdintasun Institutuko webgunean bertan.