Nafarroako eskuinaren krisiaz mintzatu gara Metropoi Forala saioan, Berria egunkariko Joxerra Senarrekin eta Diario de Noticias berripapereko Ibai Fernandezekin.
Navarra Suma koalizioa amaitutzat eman dute biok. “Navarra Suma hilotz politiko bat da” laburbildu du Senarrek. Orain gakoa da zer gertatzen den UPNrekin. “Zer izan nahi duten erabaki behar dute, alderdi erregionalista bat, Madrilen agintzen duenarekin akordioak lotzen dituena, ala PPren adarra Nafarroan”, azaldu du Fernandezek. Esan gabe doa eztabaidak tentsio handiak eraginen dituela UPNren barruan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
