Remirezen txioak dozenaka erantzun jaso ditu Twitterren. Horietako bat, hona ekarri dugun Oliber Tweet erabiltzailearen arrapostu aski adierazgarria. Lehendakariordearen txioak, gaztelania batuan, honako hau dio: "Nafarroan, hizkuntza politikaren garapenaren markoa Foru Hobekuntzak eta Euskararen Legeak finkatzen dute, eremu bakoitzaren errealitate soziolinguistikoan oinarriturik. Inposiziorik batere gabe, sustapenari bai. Eta hortik aurrera, aukera berdintasuna eta askatasun indibiduala".
La realidad sociolingüística es que hay un 50% más de bilingües en la zona mixta que en la zona vascófona. Cuando quiera hablamos de más realidades. pic.twitter.com/kM65is5743
— Oliber Tweet (@olibertweet) January 17, 2022
“Zonifikazioaren eta ustezko errealitate soziolinguistikoaren diskurtsoa ezin da kartzela bat izan”, azaldu du Orzaizek. "Inposizioa beste behin ere aipatzen duelarik, ez dakit zeri buruz ari den, hemen gaztelania soilik inposatu baita, eta ez dut uste horretaz ari denik", gaineratu du.
“Hein handi batean PSNk eta egungo gobernuak darabilen hizkunzta politikaren isla da txio hori, eta hartzen ari diren erabakiak justifikatzeko balio du. Foru dekreturik gabe gabiltza oraindik, eta azkenaldiko oposizioek euskara baztertzen dute”, azaldu du Diazek. "Ez ote den datorrenaren aurrerapena", azaldu du.