2017an onartu zuen Nafarroako Gobernuak eskuin muturreko taldeen eta poliziaren indarkeria ikertzeko 30.000 euroko diru laguntza. Nafarroako Auzitegi Nagusiak ebatzi duenez, diru laguntza ez da bateragarria Nafarroako polizia indarkeria legearen indargabetzearekin. Baliogabetu egin du diru laguntza.
Espainiako estatu abokatuak eskatu zuen diru laguntza baliogabetzea. Eskariaren kontra agertu ziren Nafarroako Gobernua eta EHU. EHUk eskuratu zuen ikerketarako laguntza. Auzitegiaren aburuz, diruz lagundutako ikerketaren helburua bat dator polizia indarkeriaren legeak aurreikusten zuen azterketa batzordeak izango lukeen xedearekin. Konstituzioaren aurkakotzat jo zuen batzorde horren jarduna Auzitegi Konsituzionalak.
