Bortxaketa egotzita bost gizon epaitzen ari dira egunotan Nafarroako Lurralde Auzitegian. Iazko sanferminetan emakume bat bortxatu zuten bost gizonezkoren artean eta joan den azaroaren 23an hasi zen eurak epaitzen ari diren epaiketa. Bi astez ate irekiekin egin dituzte saioak. Azken bi egunak ordea, gaur eta bihar ate irekiekin eginen dute: ondorioak, deliberazioak eta konklusioak emanen dituzte bi egunotan. Ondoren, epaiaren zain geratuko da epaiketa.
Akusazioek euren txostenak aurkeztuko dituzte gaur eta bihar defentsen txanda izanen da. Eta gainera, epaiketaren azken egunean bost akusatuek azkeneko aldiz hartuko dute hitza. Berriz ere errugabetzat joko dituzte euren buruak, hala dago aurreikusia, eta euren denfentsarako abokatuak absoluzioa eskatuko du bostentzat.
