"Eraildakoen memoria familiekin eta Nafarroako instituzioekin konpartitu nahi dutenentzat eta askatasunarekiko eta giza eskubideekiko konpromisotik eta errespetutik bizikidetza eraiki nahi dutenentzat" prestaturiko ekitaldia izanen da.
Bertan izanen dira Uxue Barkos Nafarroako presidentea, parlamentuko presidente Ainhoa Aznarez eta Udalerrien Federazioko lehendakari Pablo Azkona. Gursen hildako nafarren omenez oroitarria jarriko dute.
Nafarroako ordezkariak ez ezik, Eusko Jaurlaritzako lehendakari Iñigo Urkullu eta Akitania Berriko buru Alain Rousset ere hor izanen dira. Ekitaldiaren helburua: "Demokrazioaren eta askatasunaren balioak goraipatzea".
Frankismoaren biktimak
500 nafar horiek frankismoaren beste biktimetako batzuk izan ziren, zerrenda luzearen parte diren beste batzuk, fusilatuekin, jazarritako irakasleekin edota bortxatutako emakumeekin bat.
